Turmush — Ош технологиялык университетинин алдыңкы студенттери тигүү фабрикасында такшалмадан (стажировка) өтүп жатышат.
Окуу жайдын маалыматына караганда, бул иштер окуу бөлүмүнүн карьера борбору тарабынан ишке ашырылууда. Стажировканын алкагында студенттерге жумшак көндүмдөр боюнча тренинг уюштурулду. Мында студенттерге жумуш берүүчүлөр талап кылып жаткан тайм менеджмент, коммуникация, критикалык ой жүгүртүү, конфликттерди чече билүү тууралуу маалыматтар берилди.
Мындай окутуулар эл аралык рынокко туруштук бере алчу өндүрүшкө адистерди даярдоого максатталат. Студенттерге алган теориялык билимдери менен өндүрүш практикасын айкалыштыруу — кыргыз жеңил өнөр жай тармагынын өнүгүшүнө шарт түзөт.
«Адистерди Корея, Кытай, Европадан билимин өркүндөтүү үчүн Ош технологиялык университетинде 5 чет тили акысыз окутулат. Учурда тигүү тармагында өз продукциялары менен ОшТУнун 100дөгөн бүтүрүүчүлөрү кардарларын кубантууда», - деп айтылат маалыматта.
