Turmush — Бүгүн, 15-июнда Ош шаардык кеңешинин кезектеги сессиясы башталды, деп билдирди Turmush басылмасынын кабарчысы.
Төрага Салман Назылбеков «Ата Журт—Кыргызстан» жана «Биздин Кыргызстан» партиясынан 4 депутат мандатын тапшырганын билдирди. Анын айтымында, 3 жаңы депутат келди. Бирок азыр бир мандат бош турат.
«Ата Журт—Кыргызстан» партиясынан Караева Айгүл Адилбековна, Акматова Уларкан Жидебековна, Турсунбаева Бактиярхон Нематжановна мандатын тапшырышты. Ал эми Айгүл Караева менен Уларкан Акматованын ордуна Шатманова Эльмира Бакировна жана Мирзаева Раида Асилбековна келди. Азыр бир мандат бош турат. Ошондой эле буга чейин «Биздин Кыргызстан» партиясынан мандатын тапшырган Каналиев Улан Касымовичтин ордуна Раимов Эмилбек Жеңишбекович мандат алды», - деди Назылбеков.
- Жабык бөлүктө жаңы депутаттар тууралуу айрым маалыматтар бар.