Бөлүмдөр
Дүйшөмбү, 9-декабрь
Ош облусу, Ош 25.11.2019 15:47 На русском

Ошто дүкөнгө кирген 2 кыз кийимдерди көтөрүп кетишти (сүрөт)

Turmush -  Ош шаарындагы дүкөнгө кирген 2 кыз кийимдерди көтөрүп кетишти. Бул тууралуу аймактык кабарчыга дүкөндүн ээси Жамийла Турдалиева билдирди.

Анын айтымында бүгүн, 25-ноябрь күнү Ош шаарынын Масалиев проспектисинде жайгашкан дүкөндөрдүн бирине 2 кыз барып, бул жердин ээсин тааныйбыз деп кийим-кечектерди көтөрүп чыгып кетишкен.

«Мен бүгүн Бишкекте болчумун. 2 кыз мени тааныйбыз дептир. Бул тууралуу телефон аркылуу милицияга кабар бердим. Ошко барганда арыз жазам», - деди Ж.Турдалиева.

Дүкөндө иштеп жаткан сатуучу Шириндин айтымында, окуя саат 13:40 чамасында болгон.

«Жамийла экөөбүз ушул дүкөндү иштетебиз. 2 кыз келип, Жамийла бизге акча карыз деп кийимдерди алып кетип калышты. Ал кыздарды Жамийла тааныбайт экен. Милиция кызматкерлери да келишти», - деди Ширин.

Ош ШИИБден ыкчам тергөө тобу окуя болгон жерге барып, тиешелүү иштерди жүргүзүп жатышканын билдиришти.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×