Бөлүмдөр
Дүйшөмбү, 18-ноябрь
Ош облусу, Ош 05.11.2019 17:10

ОшМУнун жаңы ректору шайланды

Turmush -  Кудайберди Кожобеков Ош мамлекеттик университетинин ректору болуп шайланды. Бул тууралуу аталган окуу жайдан билдиришти.

Шайлоо бүгүн, 5-ноябрь күнү өттү. Ректорлук кызматка 4 талапкер ат салышкан. Шайлоого 1737 окутуучунун ичинен 1594 адам катышты. Жыйынтыгында Кудайберди Кожобеков 1532 добуш алды.

Шайлоонун жүрүшү чоң экрандан онлайн көрсөтүлүп турду.

Turmush басылмасы Ош мамлекеттик университетинин ректору кызматына 4 талапкер ат салышып жатканын жазган.

Уюштуруу комитети катталган талапкерлердин тизмесин жарыялаган.

- Кожобеков Кудайберди Гапаралиевич, 1975-жылы туулган. Учурда ОшМУнун ректорунун милдетин аткарып жатат. Физика-математика илимдеринин кандидаты, доцент. Иш тажрыйбасы — 22 жыл;

- Кошоева Бибигүл Бейшенбековна, 1972-жылы туулган. И.Раззаков атындагы Кыргыз мамлекеттик техникалык университетинин техникалык институтунун телематика кафедрасынын башчысы, техника илимдеринин кандидаты, доцент. Иш тажрыйбасы — 16 жыл;

- Зулпукаров Алтынбек Зулпукарович, 1972-жылы туулган. Кыргыз-Өзбек университетинин сырттан окуу бөлүмү боюнча проректору, физика-математика илимдеринин кандидаты, доцент. Иш тажрыйбасы — 23 жыл;

- Эгембердиев Шайымбек Амантурович, 1967-жылы туулган. К.Карасаев атындагы Бишкек гуманитардык университетинин үзгүлтүксүз жана дистанттык билим берүү институтунун социалдык, информациялык технологиялар кафедрасынын доценти.

Буга чейин аталган окуу жайды Каныбек Исаков жетектеп келген. Ал 11-сентябрда билим берүү жана илим министри болуп дайындалган болчу.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×