Бөлүмдөр
Шаршемби, 17-октябрь
Ош облусу, Ош 09.05.2018 11:13

Видео, фото - Ош шаарында Жеңиш күнү биринчи вице-премьер-министрдин катышуусунда белгиленип жатат

Turmush -  Ош шаарынын борбордук аянтында Жеңиш майрамынын салтанаттуу бөлүгү башталды. Майрамдык салтанатка согуштун жана ооруктун ардагерлери, биринчи вице-премьер-министр Кубатбек Боронов, өкмөттүн Ош облусундагы ыйгарым укуктуу өкүлү Таалайбек Сарыбашов, Ош шаарынын мэри Айтмамат Кадырбаев, Жогорку Кеңештин депутаты Айнуру Алтыбаева, шаар тургундары жана шаардагы мекеме-ишканалардын жетекчилери катышып жатат, деп билдирди кабарчы.

Мэр жалпы элди Жеңиш күнү менен куттуктап, Улуу Жеңиштин туусу ар дайым желбирей беришин каалады. Ал эми биринчи вице-премьер-министр Кубатбек Боронов да жалпы элди майрамы менен куттуктап, бул күнгө жетүү үчүн аталар кан кечип, өмүрлөрүн арнаганын айты.

Аянтта Улуу Жеңиштин 73 жылдыгына арналып согуш темасын камтыган театрлаштырылган оюн-зоок, спектаклдер көрсөтүлүп жатат. Согуш ардагерлери үчүн аскер бөлүктөрүнүн талаа ашканасы тарабынан даярдалган ботко берилип, ыр-бий тартууланат. Ошондой эле саат 12:00дөн тарта Сай-Бою көчөсүндө жайгашкан «Жайкы сахнада» (подиум) майрамдык чоң программадагы концерт шаардыктарга, келген конокторго тартууланат.

Майрам күнү шаардыктар үчүн спорттук иш-чаралар да уюштурулуп, бардык эс алуу жайларда элдик майрамдоо уланмакчы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×