Бөлүмдөр
Шаршемби, 17-октябрь
Ош облусу, Ош 30.04.2018 16:30 Жаңыланды: 30.04.2018 18:34

Ошто чыккан өрттөн 4 үй толугу менен күйүп кетти (видео, фото)

Turmush -  Ош шаарында өрт чыгып, аны өчүрүүгө 5 бригада тартылды.

ӨКМдин басма сөз кызматынын маалыматына караганда, бүгүн, 30-апрелде Ош шаарынын Фурманов көчөсүндө жайгашкан №69 турак үйдөн өрт чыккан.

Өрттү өчүрүүгө саат 13:39да Ош шаардык өрт өчүрүүчү кызматынын 5 бөлүмү тартылган. Андан сырткары 102, 103 кызматтары да тартылды. Өрттүн кесепетинен Фурманов көчөсүндө жайгашкан 4 үй толугу менен күйүп кетти.

«Өрт саат 13:39да №69 үйдөн чыккан. Ага жанаша турган 3 үйгө дагы өрт тутанган. Өрттүн келип чыгуу себептери аныкталууда. Учурда өрттү өчүрүү иштери уланууда», - деп айтылат маалыматта.

Маалым болгондой, өрттү өчүрүүгө ӨКМден жалпы 5 бөлүм, Ош шаардык куткаруу кызматынан 4 куткаруучу жана ККББнун ыкчам тобу КБП унаасы менен жерине чыгышкан. Мындан сырткары ИИМден 15 кызматкер, медициналык тез жардам кызматынан 1 бригада, газ тармактар ишканасынан 1 бригада, Ош Электро ишканасынан 1 бригада тартылган. Өрттүн кесепетинен Фурманов көчөсүндөгү №65, 67, Пичугина көчөсүндөгү №20 жана Куйбышев көчөсүндөгү №2 турак үйлөр күйгөн. Өрт саат 14:50дө чектөөгө алынды.

Учурда өрттү толук өчүрүү үчүн 2 бөлүм иштеп жатат. Ал эми калган 3 бөлүм, ККББнун ыкчам тобу жана тиешелүү ЖК кызматтары туруктуу жайгашкан ордуларына кайтып келишти.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×