Бөлүмдөр
Ишемби, 21-апрель
Ош

Түнкү клубдагы мушташ: Ошто 23 жаштагы жигитти ур-токмокко алган шектүүлөр кармалды (фото)

Turmush -  Ош шаарындагы «Туман» түнкү клубунун алдындагы мушташтан 23 жаштагы жигит оор жаракат алды. Жабырлануучу ооруканага 22-мартка караган түнү саат 02:00 чамасында түшкөн.

Дарыгерлердин текшерүүсүнөн кийин Ош шаарынын 1995-жылы туулган тургунунун колу сынып, денесинен оор жаракат алганы аныкталган.

Ош ШИИБдин басма сөз кызматынын маалыматына караганда, кылмышка шектүү катары Ош шаарынын 1995-жылы туулган тургуну колго түшүрүлгөн. Ал эми кечээ, 3-апрелде шектүүнүн шериги Жалал-Абад шаарында кармалган. Ал да 23 жаштагы жигит экени аныкталды.

Аларга карата Кылмыш-жаза кодексиндеги 104-берененин (саламаттыкка атайылап оор залал келтирүү) негизинде кылмыш иш козголуп, убактылуу кармоочу жайга киргизилди. Шектүүлөр өз көрсөтмөлөрүндө мушташка пикир келишпестик себеп болгонун билдиришти.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1750
Көп окулду
Учурда окулуп жатат
×