Бөлүмдөр
Шаршемби, 17-октябрь
Ош облусу, Ош 05.01.2018 11:08

Окуучулар арасында салтка айланган «Бурганак» турнири өтүп жатат

Turmush -  Ош шаарында Ош, Баткен, Жалал-Абад облустарындагы мектептердин жогорку класстардагы окуучуларынын арасында кышкы эс алууга арналган «Бурганак» турнири өтүп жатат. Волейбол боюнча турнирде балдардын 13 командасы, кыздардан куралган 9 команда күч сынашууда.

Ош облустук дене тарбия жана спорт башкармалыгынын башчысы Токтосун Камчыбековдун айтымында, аталган турнир жылына окуучулар эс алган учурда 3 жолу өткөрүлөт. Жеңүүчү командалар республикалык турнирлерге катышууга жолдомо алышат.

Мелдешти өткөрүүнүн максаты — мыкты оюнчуларды тандоо жана машыктыруучулардын ишин баалоо.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×