Бөлүмдөр
Шаршемби, 17-октябрь
Ош облусу, Ош 27.12.2017 12:04

Катуу шамал Оштогу балатынын жасалгаларын талкалады (фото)

Turmush -  Бүгүн, 27-декабрга караган түнү болгон катуу шамалдын кесепетинен Ош шаарынын борбордук аянтына орнотулган балатынын айланасындагы жасалгалар талкаланды. Ошондой эле, балатыга илинген оюнчуктарды шамал учуруп кеткен.

Аймактык кабарчынын айтымында, баннерлер да тытылып, жылдарды көрсөтүп турган жасалгалар талкаланган. Балатынын негизи жабыркаган эмес. Мэрия аны кайрадан жасалгалоо аракетин көрүп жатат.

Бул жылы Ош шаарынын борбордук аянтына жаңы жылдык балатыны орнотуп, кооздоо үчүн 1 млн сомго тендер жарыяланган. Тендерден 900 миң сомдук смета сунуштаган «Старт» уюму утуп чыккан.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×