Бөлүмдөр
Шаршемби, 17-октябрь
Ош облусу, Ош 27.12.2017 11:21 На русском

Ошто катуу ылдамдыктагы унаа дарыяга түшүп, 19 жаштагы кыз көз жумду

Turmush -  Кечээ, 26-декабрда Ош шаарындагы жол-транспорт кырсыктан 19 жаштагы кыз каза болуп, 4 адам жаракат алды.

Алдын ала маалыматтарга караганда, саат 23:30 чамасында Тилек баатыр көчөсүндө катуу ылдамдык менен бара жаткан унаа оодарылып кеткен. Кырсыктын кесепетинен Ноокат районунун 1998-жылы туулган тургуну Ч. кызы Б. ошол жерде көз жумду.

Кийинчерээк «БМВ» үлгүсүндөгү унаа Ак-Буура дарыясына түшүп кеткени белгилүү болду.

Жаракат алгандардын тизмеси:

- 1998-жылы туулган Н.А., Ноокат районунун тургуну (баш сөөгү жабыркап, мээси чайкалган);

- 1998-жылы туулган К.А., Өзгөн районунун тургуну (баш сөөгү жабыркап, мээси чайкалган);

- 1997-жылы туулган С.Б., Кара-Суу районунун тургуну (баш сөөгү жана мээси жабыркаган);

- 1999-жылы туулган А.Н., Кара-Кулжа районунун тургуну (баш сөөгү жабыркап, мээси чайкалган);

Жабыркагандар Ош облустук ооруканасына жеткирилди. Учурда кырсыктын чоо-жайы текшерилип жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×